صاحب الموقف : ali mohamed
كنت فى الوايلى بقدى مصلحة شغل المهم وانا مروح جاتلى اشرب حجر شيشة دخلت قهوة جوة السوق طلبت الشيشة وقعدت قدام القهوة عدت من قدامى بنت صاروووووووخ بمعنى كلمة صاروخ لقيت نفسى عامل فيها ميلودى مان وبقولها اكيد ماما نحلة علشان تجيب العسل ده راجل قاعد جنبى قالى انته عيل بنت تيت مش محترم قولتله وانته مالك ياعم اتاريها بنته وطلع اكبر معلم للسوق ومن غير لا حول ولا قوة لقيت نفسى متشال مرابعة من صبيانه كانى ولى من اولياء الله الصالحين ودخلونى جوة محزن بضاعة وشددو عليا الباب قاللى انته منين ياد قولتله من المطرية وحقك عليا يا حاج معرفش والله انها بنتك لقيت واحد مدينى بالبوكس فى وشى قولتلهم يعنى هو افتراء انتو بتعملو فيا كدة علشان انا غريب لقيت المعلم بيوطى على الارض وبيدينى رجل فرخة وبيقولى كل ياض قولتله لا بحب الزلموكة....وعينك متشوف الا النور وخرجونى وروحت نص عايش
التسميات:
مواقف مسخرة