xmlns:fb='http://www.facebook.com/2008/fbml' كنت محبوس فى قسم المطرية بسبب مشاجرة فى الشارع الحكومة نزلت لمت فينا كلنا اتقبلت جوة فى الحجز مع واحد مجبس رجليه الاتنين لا حول ولا وقوة قولتله مالك ايه اللى عامل فيك كدة قاللى منهم لله نطيت جوة شقة معلم جزار ناحية سوق الخميس دخلت خدت التليفزيون وحطيته على طرف الشباك لقيت الراجل فى وشى وانا واقف على سور الشباك خد التليفزيون حاطه على التربيزة وقام زاققنى من الدور الرابع كنت مبرشم الوقعة مأثرتش فيا قايم بعرج يا زميلى لقيت الراجل نازل من البيت بيقوول حراامى بقى هو يضرب والجيران تضرب واللى فى الشارع يضرب وانا عمال اشاورلهم على فوق مش قادر اتكلم على اساس يفهمو انى وقعت يقولولى عارفين انك كنت بتسرقه فوق عارفين | شطة كافية
RSS